Pessimis of Optimis?

Ek groet elkeen in die onfeilbare naam van ons Heer en Meester, Jesus Christus.

Elke keer wanneer ons na die media luister, hoor mens net slegte nuus; en dit laat mens besef die toekoms lyk nie goed nie. Vrees en onsekerheid is aan die orde van die dag. Die vraag bly egter staan: Wat doen ons wanneer dinge nie so goed lyk nie? Ek het onlangs op hierdie stukkie wysheid afgekom:

The pessimist mainly complains about the wind.
The optimist simply expects it to change.
The realist wisely adjusts the sails.

Dit is so waar. Watter een van die drie is jy? ‘n Pessimis wat net kla of ʼn optimis wat net eenvoudig ‘verwag’ dat daar ʼn verandering sal kom, maar self niks doen nie. Of is jy ʼn realis, daardie iemand wat iets doen, wat die werklikheid sien en dan iets daaromtrent doen.

Dit is my gebed dat ons meer realiste in die gemeente sal hê. Mense wat gewillig sal wees om hul denkwyse aan te pas oor die lewe, en veral oor ons Koning Jesus. Wanneer ons dink die toekoms lyk nie goed nie, tap dit al die energie uit ons uit en al wat dit by die mens laat is vrees, neerslagtigheid en ʼn ‘dors’ na ʼn beter toekoms. Die Here is gereed om ons te help. Hy vat die vrees weg en gee ons ʼn hoopvolle toekoms… En GELOOF! Jes 44:3 sê “Want Ek sal water giet op die dorsland en strome op die droë grond!” Die King James lees: ” For I will pour water upon him that is thirsty, and floods upon the dry ground.”

Ek raak so opgewonde oor die Woord: God het gesê!!! Ja, Hy het gesê!!! Hy sal voorsien, Hy is getrou, Hy is Alomteenwoordig, Hy is die antwoord, Hy is die Herder, Hy is ons Geneesheer, Hy is Wonderbaar! Geen wonder Martin Luther het eens op ʼn tyd geskryf: “Your thoughts about God are too human.” God het gesê Hy sal die water van die lewe op ons uitstort – niks is by Hom onmoontlik nie! Hou vas, staan vas en leef soos ʼn realis! Dien die Here en Hy sal voorsien, ver bo wat jy ooit kan hoop, dink of verwag! Al lyk die toekoms hoe faal of deurmekaar, God bly in beheer!

Hoe lyk hy?

“Hoe lyk hy? Is hy lank? Dra hy bril? Is hy cool… ag kom nou, vertel, vertel, vertel!”

Sjoe al die vrae in een asem? Ja, hoe lyk is… hoe lyk hy?

Ek onthou dit nog soos gister, ander kon dit sien, ander kon dit aanvoel – hierdie ‘iets’ wat met my gebeur het. Hoe lyk hy? My hart het wild gebons, die wange blos, die oë wat glinster soos duisende sterretjies! Hoe beskryf ek dit… nee, hoe beskryf ek die man wat ek lief het. Vir my is hy die sterkste, die ‘mooiste’, die langste: die man wat my hart gesteel het. Vandag so byna 28 jaar later, laat hy nog steeds my hart klop!

Ek sit en dink: Ek weet nie eers hoe lyk die Een wat ek die liefste het nie? Hierdie Persoon wat my eerste liefgehad het. Hoe lyk Hy? Is Hy ook groot, is Hy sterk? Het Hy ook groot sterk arms? Is Hy die Man met die lang hare en sagte oë wat ons op elke kinder Bybel sien. Die Man met die lang wit kleed? Hoe lyk Hy?
Hierdie Man laat my hart klop. Wanneer gaan ek Hom sien? Sal ek Hom herken, sal ek weet dit is Hy wanneer ek Hom sien? Ek wonder?
Ek weet ek sal Sy hande uitken. Ek sal die merke sien, die teken wat vertel van Liefde. Ek sal Hom herken aan Sy voete. Die voete wat op die stofpaaie gestap het, die voete wat spreek van oorwinning. Dit is Sy voete wat my oorwinning gee om ook op slange en skerpioene te trap. Ek lees dat Sy voete die aarde as rusplek het. Dit is Sy voete wat diep spore in my hart getrap het. Die voete wat blink soos koper; maar hoe lyk Hy wat ek die liefste het?
Die Woord leer dat Sy hare so wit soos sneeu is en oë soos vuurvlamme. Daardie oë wat dwarsdeur mens kan kyk. Ai ek wonder? Ek staar net en ek dink.. Hoe lyk Hy?

Hoe gaan dit wees die dag wanneer ons van aangesig tot aangesig mekaar sal sien. Sal Hy my in Sy sterk arms optel en my teen Sy bors vasdruk. Sal Sy oë na my kyk en ek die liefdes vuur daarin kan sien. Ek droom van die dag…
Ek droom en verlang na die dag wat ons sal dans en dans en dans. Ek droom van die dag wat ons sal stap al langs die see… maar hoe lyk hierdie Man wat ek die liefste het, regtig?

Ek droom van hierdie Man, Jesus, wat ek die liefste het… en jy?

Ek wonder… wonder jy ook?

 

Bang

Elke keer wanneer ek die Woord oop maak om te lees, spring daar ‘n versie uit wat lees:  Moenie bang wees nie, of moenie bevrees wees nie.  Gee iemand vir my ‘n spesifieke skrifgedeelte, sal jy my glo? – is dit voorwaar iets rondom: vrees of bang!

Is ek bang, hoekom is ek nie so seker nie?  Is ek?  Of is dit sommer net ‘n gevoel?  Iets wat jou bybly die hele dag.  ‘n Gevoel van onsekerheid. ‘n Gevoel van ‘wat as’?  Dit is ‘n iets wat jou kan laat staar na ‘n niks, of ‘n pyn op die maag los, of sommer net ‘n gevoel van “jy is nie ok nie“.  Hierdie was die gevoel wat ek vir n week of meer mee geworstel het.  Ek weet die Skrif spreek dit baie duidelik aan deur te leer dat Vader ons nie ‘n gees van vreesagtigheid gegee het nie, maar wel van liefde, krag en selfbeheersing.  Hierdie ‘gevoel’ kan jou laat voel dat jy sefls ‘selfbeheering‘ langs die pad verloor het.  Dit laat jou voel jy verloor beheer oor jou menswees.  Die vraag “wat as” bly die hele dag by jou.

Skielik kom ek tot die besef:  dit is nie van die Here nie.  Hy het belowe Hy sal my nie alleen laat en my nie begewe nie.   Rom 10:11 leer duidelik dat Hy die wat op Hom vertrou, nooit ooit in die steek sal laat nie.  Ek besef dat Hy my voor en agterhoede is.  Ek besef dat Hy my Herder is en dat NIKS my ooit sal ontbreek nie. Ek moet breek met die gevoel van “wat as” en ook met die gedagte van “ek is bang“. 

Wat ‘n voorreg om ‘n Hemelse Pappa te he wat kan help met die tipe gevoelens.  Ek het die voorreg gehad om sommer net by Hom te gaan sit en te wag en te wag en te wag totdat ek ervaar het die ‘gevoel’ laat my in vrede. Ek het dit bely en net eenvoudig my alles aan Hom oorgegee.  Is dit nie wonderlik om net te kan oorgee en te weet Hy is in beheer nie.  Is dit nie amazing om te kan voel en ervaar hoe Sy vrede, wat alle verstand te bowe gaan, oor jou spoel nie?

Dit is waar ek my vandag bevind:  In Sy skaduwee, met Vlerke van vrede wat my net toevou.  Niks en niemand kan my ooit uit Sy hand ruk nie.  Ek kyk nie meer angstig rond nie,  ek weet wat ek weet!  Hy sal vir my fight, ek moet net stil wees.

Ek wil jou tog bemoedig:  sou jy wat my briefie lees, hierdie ‘goed’ ervaar.  Gaan sit net n ruk in Jesus se teenwoordigheid en wees stil.  Gee dit vir Hom en hoor hoe Hy (Jesus)  jou by jou naam roep.  Jesus is die antwoord  –  Hy is die rede van rustigheid.  Hy is vrede – moenie bang wees nie!!!

Hou vas aan Sy hand en weet!

Karin

Gee My nou ‘n kans

Van natuur wil die mens altyd in beheer wees.  Jy wil dinge self uitsorteer, jy wil dit self uitwerk en self die antwoorde soek en kry. Dit is ook so dat mens dan van die een instansie na ‘n ander gaan vir antwoorde.  Of selfs van die een dokter na ‘n ander – maar self wil jy dit doen.

Dan is die mens tog ook so gou om te kla en die Here blameer – vrae soos “hoekom antwoord die Here nie” en “die Here hoor my nie” of “waar was die Here toe ek Hom so nodig gehad het” – is al wat ons bely.

Klink dit nie bekend nie…?  Voel jy nie ook soms so nie? 

Ek dink aan die staal puzzels wat die kinders mee speel. Die wat so inmekaar gevleg is en jy moet dit losmaak van mekaar.  Hulle sukkel om dit los te maak, raak ongeduldig en gooi dit later neer en gee net eenvoudig op. Sou jy as ma dan die staal puzzel optel en wil help, vat hulle dit terug en laat jou gou verstaan hulle weet hoe …!  Ken jy dit?

Ek word herinner aan die Woord:  Jesaja 30:18 in die Lewende Bybel: “En tog wag die Here nog altyd vir ‘n kans om te wys hoe goed Hyis – HY IS GEREED om enige oomblik in te gryp!!!”

Wow, is dit nie wonderlik nie – Hy staan gereed om enige oomblik in te gryp.  Wil jy nie maar dit wat jou so pla, dit wat so seer is, dit wat so probleme veroorsaak, oorgee aan Hom nie.  Jesus staan gereed om enige oomblik in te gryp.  Hy het die antwoord, Hy is die antwoord, Hy is die weg en die lewe.  Ps 32:8 – Ek wil jou onderrig en jou leer aangaande die weg wat jy moet gaan; Ek wil raad gee; My oog sal op jou wees” – GEE MY NET ‘n KANS!!

Liefies

Karin